கல்லுப்பட்டியில் சேடபட்டி முத்தையாவை (முன்னாள் சட்டமன்ற சபாநாயகர்) அவரது முகத்திற்கு ‘எதிராகவே தூங்குமூஞ்சிப் பய.. இவனெல்லாம் எம்.ஜி.ஆர நம்பி வேலைய விட்டுபுட்டு வந்துட்டான்’ (அப்போது விருதுநகர் நாடார் கல்லூரியில் இயற்பியல் ஆசிரியர்) என்று சொன்னவர்களில் அவரது மனைவியும் அடங்குவார்.

அவரது மனைவியின் ஆண்குரல் குறைந்தபட்சம் 15 வீடுகளுக்காவது கேட்கும். ஆனால் அதே முத்தையா எம்.எல்,ஏ ஆகி வாடகைக்கு குடியிருந்த வீட்டை விலைக்கி வாங்கி அதை இரண்டு மாடி வீடாக மாற்றி அதன் பின்னர் கோடைரோடிலும் கொடைக்கானலிலும் நிலபுலன்கள் வாங்கிப் போட்டதும் அவரைப் போன்ற மதியூகி யாரும் இருக்க மாட்டார் எனப் பாராட்டப்பட்டார்.

எல்லாம் பணம்.

பா.ஜ.க.விடம் இரண்டு கோடி வாங்கி பாராளுமன்றத்தில் பா.ஜ.கவிற்கு எதிராக வாக்களிக்காமல் இருந்ததற்காக ஜெ வினால் தெருவில் வீசப்பட்டவுடன் “திருட்டுப் பய” என சொல்லப்பட்டு நேற்றுவரை அவரது வீட்டு வாசலில் பெஞ்சைத் தேய்த்தவர்கள் எல்லாம் ஓடிப்போனார்கள்.

அதிகாரம் இல்லாததால் அருகில் ஒருவரும் இல்லை.

பணம், அதிகாரம் இந்த இரண்டும் மட்டுமே இருந்தால் ஒருவனை அழகாகவும் இல்லையெனில் ஆபாசமாகவும் காட்டும்.

‘அழகிரிக்கு அறுபது ஆகப்போகிறது. இப்போது கூட கேபினெட் பதவி வாங்காவிட்டால் அப்புறம் எப்படி?’ என்று கண்கலங்கினார் முதல்வரோடு சென்றிருந்த அவர் மனைவி தயாளு அம்மையார்…

ராசாத்தி அம்மாள், ‘வேண்டியவங்க வேண்டாதவங்களுக்குக் கொடுக்கிறது ஒருபக்கம் இருந்தாலும், கனிக்கும் இந்த முறை பதவி கட்டாயம் தரணும்…’ என்று வேண்டினாராம்.

http://www.dhool.com/predicate/?p=31

அழகிரியால் சிவலோக பதவி அடைந்த பலர் இருக்க அவருக்கு ஒரு காபினெட் பதவிகூட கிடைக்காவிடில் எப்படி?

http://twitter.com/nchokkan/status/1792158784

அந்தச் சமயத்தில் வாரியார் நெய்வேலியில் உபந்நியாசம் செய்துகொண்டிருந்தார்.

சொற்பொழிவுக்கு நடுவில் ‘என்னதான் பிள்ளையார் சிலையை உடைத்தாலும் நேரம் வந்தால் பிள்ளையாரிடம்தான் வரவேண்டியிருக்கிறது. சாட்சியத்தைதான் கண்கூடாகப் பார்க்கிறோமே’ என்று நெய்வேலிச் சொற்பொழிவில் குறிப்பிட்டிருக்கிறார்.

அது போதாதா கழகக் கண்மணிகளுக்கு? அவரை அடித்து, உதைத்து வெளுத்து வாங்கிவிட்டார்கள்.